PAPPOSONG NENETA MAI DOLONA
Pe’guruiki ma’bicara dakka nasaba’ dakka assolotta to dakka neneta, iyake udda diisseng ma’bicara dakka, berarti udda diiseng neneta, masiri’ki ma’bicara dakka berarti masiri’ki singkona neneta, iyake masiri’ki singkona neneta udda masae na tomabusung.
Makkadai neneta dolonamai,” nai-nai tau udda naisseng nenena berarti udda naisseng assolonna, Iyake udda diisseng assolotta, ropongngi tallo titi’ naorrongngi surati, La makkadaki ono’ titi’ na surati napeccowei, la makkadaki ono’ surati na udda sinrupa surati. Sinrupa tomi tidio iyake bija dakka na udda naisseng ma’bicara dakka.
Apa laipa’guruongngi mani i ana’ appota iyake kita laginna udda diisseng. Jaji, iyatee korronna pe’guru memong maki, anna’ deeng mala ipappa’ guruong lako bija-bijatta mani i.
Pekkita ki tama to abo’ namui irabba tirrapu udda toi cappu’ bija, nasaba’ deeng siapi ura’na me’bija, na iya tidio ura’abo’ udda ikulle iyebbu tirrapu. Sinrupa tomi tidio kita to dakka, bicara dakka iyala ura’ta, iyake morre’ ura’ta(morre’ bicaratta) udda na kulle cappu bija to dakka. Tapi kemaropoi ura’ta(marapoi bicaratta) udda masae na cappu’ bija-bijatta.
BY Nurdin Hamma dan Asul Anggara Dakka.
TO DAKKA 